اسلام آباد:برطانیہ کے نامور اخبار ڈیلی میل نے وزیراعظم شہباز شریف سے غلط رپورٹنگ پر معافی مانگ لی۔
رپورٹ کے مطابق ڈیلی میل نے شہباز شریف سے معافی میں کہا کہ ’ہم تسلیم کرتے ہیں نیب نے کبھی شہباز شریف پر سیلاب زدگان کے فنڈز میں غلط کام کا الزام نہیں لگایا‘۔
وزیر اعظم شہباز شریف نے ڈیلی میل کی معافی پر اپنے بیان میں کہا کہ سرخرو ہونے پر اللہ تعالیٰ کے حضور عاجزی کے ساتھ سر جھکا دیاہے، 3 سال تک عمران اور اس کے ساتھی میری کردار کشی میں ہرحد پار کر گئے تھے، انہوں نے ملک کی بدنامی اور دوست ملک سے تعلقات کی خرابی کی بھی پرواہ نہیں کی۔
شہباز شریف نے کہا کہ ’انہوں نے بے بنیاد الزامات کے ذریعے میرا اور میرے خاندان کا مذاق اڑایا، میرا اللہ پر غیر متزلزل ایمان تھا کیونکہ صرف وہی ان کے جھوٹ کو بے نقاب کر سکتا ہے، این سی اے کے بعد ڈیلی میل کی کہانی نے ثابت کر دیا کہ غلط معلومات اور جعلی خبروں کااثر محدود اورحق کی فتح ہوتی ہے‘۔
وزیر داخلہ رانا ثنا اللہ نے ڈیلی میل کی معافی پر کہا کہ ’الحمد اللہ ایک اور بدنیتی پر مبنی پروپیگنڈا بے نقاب ہوچکا ہے، وزیراعظم شہباز شریف انٹرنیشنل صادق و امین ہیں۔
Comments are closed.