سڈنی:آسٹریلیا نے زیر سمندر نگرانی کے لئے سب ڈرون تیار کرلیا،یہ سب ڈرون انڈو پیسیفک پانیوں میں بارودی سرنگوں سے بھی نبرد آزما ہونے کی صلاحیت رکھتا ہے۔
آسٹریلوی محکمہ دفاع کی طرف سے ٹوئٹر پوسٹ کے مطابق زیر سمندر روبوٹک وارفیئر وہیکل کی رونمائی 12 دسمبر کو کی گئی تھی۔ میڈیا رپورٹ میں دعویٰ کیا گیا ہے کہ یہ وہیکل انڈو پیسیفک پانی میں چین کی سرگرمیوں کے تدارک کے لئے تیار کیا گیا ہے۔
سب ڈرون کی تیاری آسٹریلوی بحریہ اور دفاعی تنظیموں کا 10 کروڑ ڈالر کا مشترکہ منصوبہ ہے۔2025 تک اسے آسٹریلیا کی بحریہ میں شامل کرلیا جائے گا۔
تقریب رونمائی سے خطاب کرتے ہوئے ریئر ایڈمرل پیٹر کوئن نے کہا کہ ہمارے دشمنوں کو معلوم ہونا چاہیے کہ سمندری حدود میں ان کی ہر حرکت پر ہماری نظر ہے۔
Comments are closed.