نیویارک:امریکا کی سابق سیکریٹری خارجہ ہلیری کلنٹن نے کولمبیا یونیورسٹی میں بطور پروفیسر شمولیت اختیار کرلی، عالمی امور کا مضمون پڑھائیں گی۔ہلیری کلنٹن یکم فروری سے یونیورسٹی کے اسکول آف انٹرنیشنل اینڈ پبلک افیئرز میں پروفیسر کی ذمہ داریاں ادا کریں گی۔
کولمبیا یونیورسٹی کے صدر لی بولنگر نے اعلان کیا کہ ہلیری کلنٹن کی غیر معمولی ذہانت اور تجربات سے یونیورسٹی کو علمی اور تحقیقی مشن میں مدد ملے گی۔
انہوں نے کہا کہ اکیڈمک سال 24-2023 میں طلبہ کو یہ موقع ملے گا کہ وہ ہلیری کلنٹن سے کلاس روم میں بات کریں، سیکھیں اور ملکی و غیر ملکی پالیسی پر ان کے بے مثال تجربے سے فائدہ اٹھائیں۔
ہلیری کلنٹن کا کہنا تھا کہ کولمبیا یونیورسٹی امریکا اور عالمی پالیسی سازوں کی اگلی نسل تیار کر رہی ہے اور یہاں پڑھانا میرے لئے اعزاز کی بات ہوگی۔
Comments are closed.