لندن :شادی شدہ یا سول پارٹنرشپ میں لوگوں کا تناسب 50فیصد سے کم ہے۔ انگلینڈ اور ویلز میں شادی شدہ یا سول پارٹنرشپ میں 16سال یا اس سے زیادہ عمر کے لوگوں کا تناسب پہلی بار 50فیصد سے کم ہو گیا ہے۔ دفتر برائے قومی شماریات (او این ایس) کے تازہ ترین تخمینوں کے مطابق 2022میں یہ تعداد 49.4فیصد تک گر گئی۔ یہ 2021میں49.7 فیصد سے کم تھا اور ایک دہائی پہلے 2012میں ان کا تناسب 51.2فیصد سے کم تھا۔
دونوں ممالک میں ازدواجی حیثیت اور رہائش کے انتظامات کے لحاظ سے آبادی کے تخمینے کے بارے میں پچھلی ریلیز میں 2020 کے تخمینوں کا احاطہ کیا گیا تھا، اس لئے جمعرات کی ریلیز 2021اور گزشتہ سال کے لئے پہلے ظاہر کردہ اعداد و شمار ہیں۔ او این ایس نے کہا کہ تقابلی ریکارڈ 2002تک واپس جاتے ہیں۔ 1972کے دوسرے اعداد و شمار جبکہ براہ راست موازنہ نہیں، یہ بھی ظاہر کرتے ہیں کہ شادی شدہ فیصد کبھی بھی 50فیصد سے نیچے نہیں گرا۔
جوڑے جو ایک ساتھ رہتے ہیں لیکن شادی یا سول پارٹنرشپ میں نہیں ہیں وہ 20فیصد سے زیادہ ہو گئے – 2012میں 19.7فیصد سے 2022میں22.7فیصد ہو گئے۔ 2012 میں 5.4ملین افراد اور 2022میں 6.8 ملین افراد کے برابرتھے۔قانونی ماہرین نے کہا کہ اعداد و شمار بتاتے ہیں کہ اس علاقے میں قوانین کو اپ ڈیٹ کیا جانا چاہئے اور وہ اصلاحات کے لئے مطالبہ کر رہے ہیں۔ برجیس می فیملی لا کے پارٹنر ڈیوڈ للی وائٹ نے کہا کہ بدقسمتی سے بہت سے جوڑے اب بھی یہ مانتے ہیں کہ صرف اپنے ساتھی کے ساتھ رہنے سے وہ خود بخود دوسرے کی دولت میں سے حصہ کے حقدار بن جائیں گے یا جب رشتہ ٹوٹ جائے گا تو وہ ان سے مالی مدد حاصل کریں گے۔حقیقت بہت مختلف ہے اور اکثر صدمے کی وجہ بن سکتی ہے۔
قانون کا یہ شعبہ اصلاحات کے لئے پکار رہا ہے، جس میں ساتھیوں کیلئے مالی امداد کے نقصان کو ایڈجسٹ کرنے کے مقصد سے محدود مدت کے لئے دیکھ بھال کی درخواست دینے کی اہلیت شامل ہو سکتی ہے۔ مالی علاج کے آرڈرز جیسے شادی شدہ جوڑے اور سول پارٹنرز کیلئے اہل ساتھیوں کے لئے آپٹ آؤٹ کا حق اور ساتھیوں کے لئے وراثت کا حق انٹیسٹیسی قوانین کے تحت اور ٹیکس کے مقاصد کے لئے شادی شدہ جوڑوں جیسا سلوک کیا جائے۔ پچھلے سال طلاق کا اعلان کرنے کے بعد جوڑے کے مالی معاملات کو کس طرح تقسیم کیا جاتا ہے، اس پر حکمرانی کرنے والے قوانین کا جائزہ کا تجزیہ کرنے کے لئے لاء کمیشن کو شامل کیا کہ 50 سال پرانے قوانین عملی طور پر کیسے کام کرتے ہیں لیکن کنگسلے نیپلی کے خاندان اور طلاق کے عمل کی سربراہ سیتل فونٹینیل نے کہا کہ پارٹنرز کے تحفظات پر غور کیا جانا چاہئے، جن کے فی الحال محدود حقوق ہیں۔ انہوں نے کہا کہ یہ بہت اچھی بات ہے کہ ازدواجی وجوہات ایکٹ کا جائزہ شروع ہو گیا ہے۔
اگر جدید خاندانوں کے لئے شادی اب ڈیفالٹ نہیں ہے، تو اس کی عکاسی کرنے کے لئے ہمارے قوانین کو اپ ڈیٹ کیا جانا چاہئے۔ او این ایس نے کہا کہ جب سول پارٹنرشپ میں لوگ اب بھی قانونی شراکت کیلئے لوگوں کا ایک چھوٹا سا حصہ بناتے ہیں، سول پارٹنرشپ کے تخمینے پچھلی دہائی کے دوران تقریباً دوگنا ہو چکے ہیں، 2012 میں 120000 سے 2022 میں 222000 تک۔ یہ مدت 2019 کے آخر سے مخالف جنس کیلئے سول پارٹنرشپ کے تعارف کا احاطہ کرتی ہے۔ ہم جنس شادیوں میں اضافہ ہوا ہے، 2022 میں ان شادیوں میں لوگوں کی تخمینہ تعداد 167000 تھی، جو کہ 2015 میں 26000 تھی، جس کا مطلب یہ کہ ان میں38.8 فیصد اضافہ ہوا ہے۔ مجموعی طور پر 99.3 فیصد شادی شدہ لوگوں کی شادی کسی مخالف جنس سے ہوئی تھی۔ 16 سال یا اس سے زیادہ عمر کی آبادی کے 10 میں سے چھ (61.3فیصد) یا تو لیگل پارٹنر کے ساتھ یا ہم بستر کےساتھ رہ رہے تھے۔
2022 میں 16 سے 29 سال کی عمر کے لوگوں میں سے صرف ایک چوتھائی (27.6فیصد) جوڑے کی حیثیت سے رہتے تھے جبکہ تین چوتھائی (78.0فیصد) سے زیادہ کی عمریں 40 سے 44 سال کے درمیان تھیں۔ 70 سال یا اس سے زیادہ عمر کے لوگ 2022 میں شادی شدہ یا سول پارٹنرشپ میں رہنے والی آبادی کا تقریباً پانچواں حصہ (18.3فیصد) تھے جو کہ 2012 کے 15.1 فیصد سے زیادہ ہے۔ 30 سال سے کم عمر کے افراد کا حساب 3.2 فیصد تھا، جو 2012 میں 4.9 فیصد سے کم تھا۔ او این ایس نے کہا کہ اعداد و شمار پچھلی دہائی کے دوران عمر رسیدہ شادی شدہ یا سول پارٹنر آبادی کی عکاسی کرتے ہیں۔ میرج فاؤنڈیشن نے کہا کہ شادی سے دور رہنے کا رجحان جوڑوں اور بچوں کے لئے بری خبر ہے۔
فاؤنڈیشن کے ریسرچ ڈائریکٹر ہیری بینسن نے کہا کہ شادی شاید ایک علاج نہیں ہے لیکن یہ مستحکم خاندانوں کے حق میں مشکلات کا ڈھیر لگا دیتی ہے۔ زیادہ تر نوجوان کسی نہ کسی مرحلے پر شادی کرنا چاہتے ہیں۔ پھر بھی یہ رجحان ظاہر کرتا ہے کہ ہم ان کیلئے صورتحال مشکل بنا رہے ہیں فلاحی پالیسیاں سب سے کم کمانے والوں کیلئے شادی کرنا خاص طور پر سزاوار بناتی ہیں۔ تقریباً ایک دہائی ہو چکی ہے جب کسی بھی کابینہ وزیر نے شادی پر کوئی تقریر یا تبصرہ کیا ہے شاید یہ اعداد و شمار انہیں اشارہ کریں گے وزارت انصاف کے ترجمان نے کہا کہ ہم فی الحال شادی اور طلاق سے متعلق قوانین کا جائزہ لے رہے ہیں اور اس بات پر غور کرینگے کہ یہ کام مکمل ہونے کے بعد جوڑوں کے ساتھ رہنے کے سلسلے میں کیا اقدامات کئے جا سکتے ہیں۔
Comments are closed.