لندن(فہیم عظیم) پاکستان پریس کلب یوکے کے سالانہ انتخابات 2024 /2025 مکمل، ارشد رچیال صدر ،مسرت اقبال جنرل سیکرٹری منتخب، دیگر مرکزی عہدوں پر سینئر نائب صدر مرزا آفتاب بیگ ، نائب صدر ساجد یوسف و اسرار راجہ ،مرکزی جوائنٹ سیکرٹری شکیل انجم ،سیکریٹری اطلاعات نادیہ راجہ جبکہ فنانس سیکریٹری ساجد عزیز منتخب ہوئے ۔
پاکستان پریس کلب کا یہ مسلسل پندرہواں انتخاب تھا جس میں پی ایف یو جے کے مرکزی صدر افضل بٹ بطور مہمان خصوصی شریک ہوئے ۔انہوں نے اپنے خطاب میں پاکستان کے مثبت تشخص کو اجاگر کرنے اور بلاوجہ روائتی و منفی پراپگینڈے کی حوصلہ شکنی پر زور دیا ۔
پاکستان پریس کلب یو کے کے انتخابات میں ہائی کمیشن آف پاکستان لندن سے پریس منسٹر و دیگر عملہ بھی شریک ہوا۔پاکستان پریس کلب یو کے کی تقریب حلف برداری میں برطانیہ و یورپ سے صحافیوں نے شرکت کی۔پاکستان پریس کلب یو کے کی تقریب میں لندن کے میئرز، کونسلرز اور مقامی حکومتوں کے عہدیداران اور سول سوسائٹی کے نمائندگان نے بھی شرکت کی۔
بانی صدر مرحوم مبین چوہدری کے ایصال ثواب کے لیے خصوصی دعا کی گئی ان کی حیات خدمات اور صحافتی سیاست کا تذکرہ تقریب میں تسلسل سے جاری رہا ۔ تقریب حلف برداری میں مئیر آف لُوٹن محمد یعقوب حنیف نے نو منتخب عہدے دار ان سے حلف لیا۔
اس کے علاوہ برمنگھم میں مقیم سینئر صحافی ساجد یوسف کو پاکستان پریس کلب یوکے کے لٹریری اینڈ کلچرل فورم کا چیئرمین بنا دیا گیا جس کی ایکٹیویٹیز کمیونٹی میں گاہے بگاہے دیکھنے کو ملیں گی۔
Comments are closed.