برطانیہ اور میرپور کے صحافیوں کے درمیان کرکٹ میچ آج میرپور کرکٹ اسٹیڈیم میں کھیلا جائیگا

میرپور(سجاد جرال) برطانیہ اور میرپور کے صحافیوں کے درمیان کرکٹ میچ آج میرپور کرکٹ اسٹیڈیم میں کھیلا جائے گا۔ لندن میڈیا کرکٹ کلب کی نمائندگی ٹیم کیپٹن غلام حسین اعوان جبکہ کشمیر پریس میرپور کرکٹ کلب کی نمائندگی ٹیم کیپٹن راجہ سہراب خان کریں گے۔

لندن میڈیا کرکٹ کلب ٹیم دیگر کھلاڑیوں اطہر عباسی، یاسر عباس، ڈاکٹر حامد المشرقی، محسن جعفری، سلیم صابری، خاور بشیر راجہ، سبطین علی، ناصر اقبال، مُسرت اقبال، سید کوثر کاظمی، وسیم رضا کاظمی، فیضان عباسی، اور وسیم صدیقی پر مشتمل ہوگی جبکہ کشمیر پریس کلب کی ٹیم دیگر ارشد محمود بٹ، خالد محمود انجم، عثمان میر، سجاد قیوم خانپوری، صغیر احمد، شہباز بخاری، راشد بشیر، رضوان اکرم، غیاث شاہ، شیراز بخاری، ظفیر بابا، سجاد جرال، کاشف رشید، زاہد بشیر اور اظہر دلدار پر مشتمل ہوگی۔

میرپور کرکٹر اسٹیدیم میں کشمیر پریس کلب اور لندن میڈیا کرکٹ کلب کے کھلاڑیوں کے درمیان اس زبردست مقابلے کا آغاز دوپہر دو بجے ہوگا۔ قبل ازیں لندن میڈیا کرکٹ کلب کے کھلاڑیوں کا میرپور پہنچنے پر منگلا پُل پر شاندار استقبال کیا جائے گا۔ برطانیہ اور آزاد کشمیر کے صحافیوں کے درمیان آج ہونے والے اس میگا ایوینٹ کے لئے میرپور کے شہریوں بلخصوص نوجوانوں میں زبردست جوش و خروش پایا جاتا ہے۔