اسپین میں خانہ جنگی اورآمریت کے دور میں ہلاک ہونیوالوں کی قبریں کھود کر باقیات نکالنے کا فیصلہ
بارسلونا:اسپین کی حکومت نے خانہ جنگی اور آمریت کے دور میں ہلاک ہونے والے ہزاروں افراد کی باقیات کو شناخت کرنے کے لیے خطیر رقم مختص کردی ہے۔
ہسپانوی حکومت نے اس حوالے سے اپنے بیان میں کہا کہ شناختی مہم کے دوران ہزاروں افراد کی قبروں کی کھدائی کی جائے گی۔
33 ہزار افراد کی باقیات تلاش کرنے کے لیے حکومت نے 7 لاکھ 75 ہزار امریکی ڈالر کی رقم کا اعلان کیا ہے۔
یاد رہے کہ اسپین میں 1936ء سے 1939ء کے درمیان ہونے والی خانہ جنگی کے دوران ہزاروں افراد ہلاک ہوئے تھے۔