لندن:یو کے آئی ایم یوتھ سلاؤ کے ماہانہ یوتھ پروگرام کا سٹوک پوجز لین مسجد سلاؤ میں انعقاد ہوا،ڈاکٹر محمد شکیل، سماک مرزا اور عمیر بن ٹیپو سلطان نے بچوں کو اسلامی تعلیمات پر لیکچرز دئیے۔ یو کے آئی ایم سلاؤ کے ترجمان موسیٰ وڑائچ کے مطابق یوکے آئی ایم بچوں کی تعلیم و تربیت اور تفریح کے حوالے سے مستقل بنیادوں پرمختلف پروگرامز کا انعقاد کرتی رہتی ہے اور یہ پروگرام بھی اسی سلسلے کی ایک کڑی ہے۔
ماہانہ پروگرام کی نگرانی اور اس کے انتظامات کے لیے برانچ کے صدر ابرار حسین،جنرل سیکرٹری کاشف جعفری،نظام الدین غوری، محمد عاصم اور سیکرٹری اطلاعات موسیٰ وڑائچ بھی موجود تھے۔ اس موقع پر یوکے آئی ایم سلاؤ برانچ کے صدر ابرار حسین نے کہا کہ یوتھ اس ملک میں اسلام کا مستقبل ہیں لہٰذا ان پر خصوصی توجہ دینے کی ضرورت ہے۔
انہوں نے کہا کہ یو کے آئی ایم سلاؤ کے زیر اہتمام نوجوانوں کے اس طرز کے پروگراموں کو مزید بڑھایا جائے گا۔ پروگرام کے آخر میں بچوں اور دیگر شرکاء کے لئے عشائیے کا اہتمام بھی کیا گیا۔
Comments are closed.