لندن:تنخواہوں کا تنازع حل کرنے کیلئے مذاکرات میں ناکامی پر ریل نیٹ ورک کی صورت حال مزید خراب ہوگئی۔ تنخواہوں، ملازمتوں اور شرائط پر تلخ تنازعہ حل کرنے میں مذاکرات ناکام ہونے کے بعد ریلوے کارکنوں کی جانب سے ایک نئی ہڑتال شروع کرنے کے بعد مسافروں کو مزید سفری پریشانیوں کا سامنا ہے۔ ریل، میری ٹائم اور ٹرانسپورٹ یونین (آر ایم ٹی) کے ممبران 48گھنٹوں کے لئے واک آؤٹ کریں گے، جس سے ملک بھر میں خدمات متاثر ہوں گی۔
دریں اثنا، وزراء کو متنبہ کیا گیا کہ اگر تنخواہوں کے خدشات کو دور نہیں کیا گیا تو این ایچ ایس نرسوں کی طرف سے صنعتی کارروائی بڑھ سکتی ہے۔ تازہ ترین ٹرینیں رکنے کے باعث 14کمپنیاں اور نیٹ ورک ریل متاثر ہوں گے۔ مسافروں سے کہا جا رہا ہے کہ وہ صرف ضرورت پڑنے پر ہی سفر کریں۔
کچھ علاقوں میں ٹرینیں نہیں ہیں۔ جمعرات کو ہونے والا ایک اجلاس بھی تعطل توڑنے میں ناکام رہا۔ آر ایم ٹی نے کہا ہے کہ ہمارے نمائندوں نےجمعرات کی شب ریل کے وزیر ہیو میری مین کی طرف سے بلائے گئے مذاکرات میں شرکت کی، جس میں نیٹ ورک ریل اور ریل ڈیلیوری گروپ شامل ہیں اور مزید بات چیت پر رضامندی ظاہر کی۔ آر ایم ٹی کے جنرل سیکرٹری مک لنچ نے کہا کہ وزیر نے آر ایم ٹی اور آجروں کے درمیان مزید بات چیت کی درخواست کی تاکہ حل تلاش کیا جا سکے۔
انہوں نے کہا کہ ان ملاقاتوں کا اہتمام کیا جائے گا لیکن اس دوران تمام صنعتی کارروائیاں اپنی جگہ پر رہیں گی۔ مسٹر میریمن نے دلیل دی کہ ٹی ایس ایس اے یونین کی جانب سے نیٹ ورک ریل کی تنخواہ کی پیشکش کو قبول کرنے کے بعد واضح طور پر کارکنوں میں خود ایک معاہدہ کرنے کی خواہش ہے۔ واک آؤٹ منگل اور بدھ کو دو دن کی آر ایم ٹی ہڑتالوں کے بعد ہوا ہے اور یہ حکومت کے لئے پریشانی کے موسم میں تازہ ترین ہڑتال ہے، جسے صنعتی تنازعات کی ایک سیریز کے لئے مورد الزام ٹھہرایا جا رہا ہے۔
جمعرات کو انگلینڈ، ویلز اور شمالی آئرلینڈ میں نرسوں نے رائل کالج آف نرسنگ کی پہلی قومی کارروائی میں ہڑتال کی۔ آر سی این کے رہنما پیٹ کولن نے متنبہ کیا کہ نرسوں کی کارروائی اس وقت تک بڑھ جائے گی جب تک وزراء میز پر بیٹھنے اور تنخواہوں اور شرائط پر تنازعہ میں بات چیت کے لئے تیار نہیں ہوتے۔ آر سی این نے دلیل دی ہے کہ کم اجرت دائمی کم سٹافنگ کو بڑھا رہی ہے، جو مریضوں کو خطرے میں ڈالتی ہے اور نرسوں کو ضرورت سے زیادہ کام لے کر کم معاوضہ دیا جا رہا ہے لیکن وزراء نے تنخواہوں پر بات کرنے سے انکار کر دیا ہے۔
اس بات پر اصرار کرتے ہوئے کہ اسے آزاد تنخواہ پر نظرثانی کرنے والے اداروں پر چھوڑ دیا جانا چاہئے۔ جمعرات کی کارروائی میں انگلینڈ کے ایک چوتھائی ہسپتالوں اور کمیونٹی ٹیموں کو شامل کیا گیا تھا اور آر سی این نے خبردار کیا تھا کہ اگر حکومت نے روک تھام جاری رکھی تو یہ مزید بڑھ سکتی ہے۔
محترمہ کولن نے بی بی سی کے سوال پربتایا کہ ہم نے آج 46 تنظیموں کے ساتھ گفتگو کا آغاز کیا اور ہم نے ایسا کیوں کیا؟ ہم نے ایسا اس لئے کیا کیونکہ ہم اس بات کو یقینی بنانا چاہتے تھے کہ انگلینڈ، ویلز اور شمالی آئرلینڈ کے ہر دوسرے مریض کے لئے اس ہڑتال کو محفوظ اور مؤثر طریقے سے منظم کریں۔ انہوں نے مزید کہا کہ جیسے جیسے وقت آگے بڑھ ر ہا ہے، بدقسمتی ہوگی اگر یہ حکومت ہم سے بات نہیں کرتی، مجھے ڈر ہے کہ یہ بڑھ جائے گا۔
Comments are closed.