بلاول بھٹو زرداری کی قیادت میں پیپلز پارٹی آزاد کشمیر میں لینڈ سلائیڈ وکٹری حاصل کریگی،رہنما پی پی پی

اسلام گڑھ:بلاول بھٹو زرداری کی ولولہ انگیز قیادت میں پیپلز پارٹی آزاد کشمیر بھر سے لینڈ سلائیڈ وکٹری حاصل کریگی۔حلقہ نمبر دو اسلام گڑھ چکسواری کے عوام نے اپنے محبوب کا والہانہ استقبال کر کے ثابت کر دیا ہے کہ عوام پیپلز پارٹی کے ساتھ کھڑے ہیں۔حلقہ کے عوام اورکارکنان کے مشکور ہیں کہ جنہوں نے سخت گرمی کے باوجود اپنے قائد کا استقبال کیا۔ان خیالات کا اظہارپی پی کے رہنماؤں چوہدری داؤد،چوہدری مہربان،صحبت سرفراز ایڈووکیٹ،راجہ محمد زمان،چوہدری ناظم،صوفی محمد عارف،چوہدری سرفراز ڈھلوی،عمران مجید،سفیان راٹھوی اور راجہ سعید نے خصوصی سروے کے دوران کیا۔

ان رہنماؤں کا مذید کہنا تھا کہ پیپلز پارٹی کے کامیاب جلسے نے مخالفین کے غبارے سے ہوا نکال دی ہے۔بلاول بھٹو زرداری کا شایان شان استقبال کر کے عوام نے اپنا فیصلہ سنا دیا ہے۔کامیاب جلسہ پر کارکنان اور عوام مبارک باد کے مستحق ہیں۔25جولائی خالق آباد سے لیکر پلاک تک تیر چلے گا۔چوہدری قاسم مجید بھاری اکثریت سے کامیابی حاصل کریں گے۔