نئی دہلی : شارک کے تحفظ کیلئے کام کرنے والی تنظیم شارک الائیز نے اس بات کا خدشہ ظاہر کیا ہے کہ کورونا وائرس ویکسین کی تیاری کیلئے 5لاکھ سے زائد شارکس کی ہلاکت ہوسکتی ہے۔
شارک الائیز نے اس بات زور دیا ہے کہ پودوں پر مبنی اور ویکسین بنانے میں استعمال ہونے والے اسکوایلین کے لئے دوسرے مصنوعی متبادل کا استعمال کیا جائے۔
زیادہ تر کمپنیاں ویکسینیں بنانے کیلئے اسکولیین کا استعمال کرتی ہیں جو حفاظتی ردعمل کو بڑھانے کے لئے ویکسین میں شامل کیا جاتا ہے۔ تنظیم نے تشویش کا اظہار کیا ہے کہ لاکھوں شارک کے قتل سے بحری ماحولیاتی نظام کو ناقابل تلافی نقصان پہنچے گا۔
شارک کے تحفظ کی تنظیم کے عہدیداران نے خبردار کیا ہے کہ شارک سکویلین کو کوویڈ19 ویکسینوں میں استعمال کرنے پر غور کیا جارہا ہے، اسکیلین ایک قدرتی نامیاتی مرکب ہے جو شارک کے جگر میں پایا جاتا ہے۔
