واشنگٹن:امریکی وزیر دفاع ریٹائرڈ جنرل لائیڈ آسٹن نے کہا ہے کہ افغانستان میں جنگ ختم ہوگئی، اب سفارتی مشن پرکام ہورہا ہے۔
واشنگٹن میں بریفنگ کے دوران جنرل لائیڈ آسٹن نے کہا کہ طالبان کے ساتھ محدود سطح پر رابطہ ہے۔ مستقبل کی طالبان حکومت پر لائحہ عمل وقت کے ساتھ بنے گا۔ انہوں نے مزید کہا کہ کسی بھی فوجی آپریشن میں بہتری کی گنجائش رہتی ہے۔ جنرل لائیڈ آسٹن کا کہنا تھا کہ امریکی فوج نے خطرات کا سامنا کرتے ہوئے مشن پورا کیا۔
دریں اثنا امریکی فوج کے چیئرمین جوائنٹ چیفس آف اسٹاف جنرل مارک ملی نے کہا کہ طالبان تبدیل ہوئے یا نہیں ابھی دیکھنا باقی ہے۔ انہوں نے کہا کہ ممکن ہے کہ داعش کے خلاف طالبان کے ساتھ کام کریں۔