لندن:برطانیہ کے شہزادہ چارلس کا کورونا وائرس ٹیسٹ مثبت آگیا، جس کے بعد انہوں نے تنہائی اختیار کرلی ہے۔
شہزادہ چارلس کے دفتر سے جاری اعلامیہ کے مطابق آج صبح برطانوی ولی عہد سلطنت شہزادہ چارلس کو کورونا وائرس لاحق ہونے کی تصدیق ہوئی۔اعلامیہ میں مزید بتایا گیا ہے کہ پرنس چارلس نے اس کے بعد خود کو آئسولیٹ کرلیا ہے، جبکہ انھوں نے اپنی تمام سرکاری و نجی مصروفیات بھی منسوخ کردی ہیں۔
خبر ایجنسی کے مطابق پرنس چارلس دوسری مرتبہ کورونا وائرس میں مبتلا ہوئے ہیں۔خبر ایجنسی کے مطابق کورونا میں مبتلا شہزادہ چارلس حال ہی میں ملکہ برطانیہ سے بھی ملے تھے، تاہم ملکہ برطانیہ میں کورونا کی کوئی علامات ظاہر نہیں ہوئی ہیں۔