برطانیہ بھر میں کرائے والے مکان کی خریداری کے حق کیلئے تجاویز تیار کرنے کا حکم

لندن:برطانیہ میں مقیم لاکھوں کرایہ داروں کو وہ مکان خریدنے کاحق مل سکتا ہے جو وہ ہائوسنگ ایسوسی ایشنز سے کرائے پر لیتے ہیں وزیراعظم بورس جانسن نے متعلقہ حکام کو ہدایت کی ہے کہ وہ جنریشن رینٹ میں مدد کیلئے تجاویز تیار کریںاس منصوبے کا مقصد انگلینڈ کے 2.5ملین گھرانوں کو جو ایسوسی ایشنز سے جائیدادیں کرایہ پر لیتے ہیں رعایتی قیمت پر خریدنے کا موقع فراہم کرنا ہے، مذکورہ منصوبہ سابق وزیراعظم مارگریٹ تھیچر کی 1980میں شروع کی گئی اسکیم سے متاثر ہو کر پیش کیا گیا ہے۔ اس سے خاندانوں کو کونسلوں سے گھر خریدنے کی اجازت دی جائیگی، مائیکل ہیسلٹائن اس وقت کے ہاؤسنگ منسٹر نے اعلان کیا کہ قانون سازی کے کسی ایک ٹکڑے نے اتنی زیادہ سرمایہ کی دولت کو ریاست سے لوگوں تک منتقل نہیں کیا ہے لیکن اس نے بائیں بازو کو مشتعل کیا۔

جنہوں نے اس اسکیم کو کونسل کے دستیاب گھروں کی تعداد میں کمی کا ذمہ دار ٹھہرایا،نئی تجاویز کے تحت حکام ٹیکس دہندگان کی رقم کو ہاؤسنگ بینیفٹس میں استعمال کرنے پر بھی غور کر رہے ہیں تاکہ وصول کنندگان کو رہن کے محفوظ ہونے میں مدد ملے، ڈاؤننگ سٹریٹ کا خیال ہے کہ رائٹ ٹو بائی کے نئے ورژن سے غریب گھرانوں کو سرخ دیوار والی نشستوں میں مدد ملے گی، خریدنے کے موجودہ حق کے اصول زیادہ تر کونسل کرایہ داروں کو رعایت پر اپنے گھر خریدنے دیتے ہیں لیکن ہاؤسنگ ایسوسی ایشن کے کرایہ داروں کے پاس محدود رعایت ہے اور وہ صرف 1997 سے کسی ایسوسی ایشن کے ذریعے حاصل کی گئی جائیداد خرید سکتے ہیں۔اس اسکیم کو تمام ہاؤسنگ ایسوسی ایشن کے کرایہ داروں تک وسیع کرنے کا منصوبہ 2015 کے ٹوری انتخابی منشور میں شامل کیا گیا تھا لیکن یہ عملی جامہ پہنانے میں ناکام رہا تاہم اس بات پر تنقید کی جا رہی ہے کہ آیا قیمتیں اب بھی بہت زیادہ ہو سکتی ہیں اور اس سے مکانات کی کمی دور نہیں ہو گی، سرکاری ذرائع کے مطابق وزیراعظم اس منصوبے کو لیکر انتہائی پرجوش ہیں۔

ذاتی ہائوسنگ ایسوسی ایشن کے فلیٹ خریدنے کے اس منصوبے کو پزیرائی حاصل ہو رہی ہے۔ رابرٹ جینرک جو ہاؤسنگ سیکریٹری تھے نے کہا کہ قدامت پسندوں کو گھر کی ملکیت کی پارٹی ہونا چاہیے رائٹ ٹو بائی کو تھیچر حکومت کی فلیگ شپ پالیسیوں میں سے ایک کے طور پر دیکھا گیا جس نے کونسل کے بہت سے سابق کرایہ داروں کی زندگی کے امکانات کو بدل دیا،اسکے خواہش مندمحنت کش طبقے کے حامیوں میں اس کی مقبولیت نے حالیہ برسوں میں کنزرویٹو کی جانب سے اسکیم کو وسیع کرنے کے متعدد منصوبوں کا اعلان کیا ہے۔

ڈیوڈ کیمرون کی حکومت نے لندن میں اپنے گھر خریدنے کے خواہشمند کونسل کے کرایہ داروں کے لیے دستیاب چھوٹ کو بڑھا کر75ہزار سے 1لاکھ پائونڈ کیا۔حکومت نوجوانوں کو ہائوسنگ سکیم میں کامیاب بنانے کیلئے بے چین ہے لیکن دوسری طرف ہاؤسنگ ریفارم کے لیے اس کے منصوبے ٹوری ایم پیز کے ردعمل کے بعد پچھلے سال کے اواخر میں دھرے کے دھرے رہ گئے۔ وزرانے کہا تھا کہ وہ منصوبہ بندی کے نظام کو تبدیل کرنا چاہتے ہیں تاکہ ایک سال میں3لاکھ گھر تعمیر کیے جا سکیں جو 70 سالوں میں نظام کی سب سے بڑی تبدیلی ہو گی۔ اصلاحات نے کونسلوں کو گھروں کی تعداد کے لیے لازمی اہداف فراہم کیے ہوں گے جنہیں ہر علاقے میں تعمیر کرنے کی ضرورت ہوگی۔