پنجاب ضمنی الیکشن میں فتح پرلوٹن میں ڈھول کی تھاپ پر بھنگڑے

لوٹن میں پاکستان تحریک انصاف (پی ٹی آئی) کی پنجاب کے ضمنی الیکشن میں کامیابی پر کارکنوں کی جانب سے لوٹن میں جشن منایا گیا اگرچہ کچھ زیادہ کارکنان اکھٹے نہ ہو سکے۔

کارکنان ڈھول کی تھاپ پر بھنگڑے ڈالتے رہے اور فتح کی خوشی میں تیری جان میری جان عمران خان عمران خان، کون بچائے گا پاکستان عمران خان عمران خان کے نعرے لگائے اور مٹھائی بھی تقسیم کی۔

خیال رہے کہ اتوار کے روز پنجاب کے 20 حلقوں میں ضمنی الیکشن ہوا تھا جس میں سے 15 نشستوں پر پی ٹی آئی نے کامیابی حاصل کی تھی۔ چار نشستوں پر مسلم لیگ ن جب کہ ایک سیٹ پر آزاد امیدوار کامیاب ہوا تھا۔