پاکستان ہائی کمیشن لندن میں سالانہ کرسمس استقبالیہ کا انعقاد، پاکستانی مسیحی برادری کی بھرپور شرکت

لندن:پاکستان ہائی کمیشن لندن میں سالانہ کرسمس استقبالیہ کا انعقاد کیا گیا۔ جس میں Rt. Reverend Andrew Watson, Bishop of Guilford نے بطور مہمان خصوصی شرکت کی۔

لندن تقریب میں Rt. Honourable Patricia Scotland, Secretary General Commonwealth; Rt. Reverend Bishop Michael Nazir Ali; Dr James Sheraکے علاوہ برطانوی پاکستانی مسیحی برادری نے بھی شرکت کی ۔

اس موقع پر اپنے خطاب میں ہائی کمشنر معظم احمد خان نے کہا کہ کرسمس حضرت عیسیٰ علیہ السلام کی زندگی اور قربانیوں کو یاد کرنے اور ان کی ہمدردی اور انسانیت کے عالمگیر پیغام کو یاد دلانے کا وقت ہے۔

آزادی کی جدوجہد اور ایک نئی قومی ریاست کی تعمیر میں ان کے تعمیری کردار کو سراہتے ہوئے ہائی کمشنر نے کہا کہ پاکستانی مسیحی برادری پاکستان کی ثقافتی، روحانی اور تہذیبی ثقافت کا بہت اہم حصہ ہیں۔ انہوں نے مزید کہا کہ اقلیتوں کے حقوق کا تحفظ پاکستان کے بنیادی اصولوں کا حصہ ہے اور حکومت پاکستان اس سلسلے میں اپنی ذمہ داریوں سے پوری طرح آگاہ ہے۔

ہائی کمشنر نے یاد دلایا کہ کرسمس کے دن، ہم بانی پاکستان قائد اعظم محمد علی جناح کا یوم پیدائش بھی مناتے ہیں، جہاں تمام شہریوں کو بلا تفریق مساوی حقوق حاصل ہوں اور ان کے ایسی مملکت کے ساتھ تجدیدِ عہد کرتے ہیں۔