لیڈز: پاکستانی نژاد احمد ندیم کو کرون کورٹ بریڈفورڈ کا جج بننے پر اور مرکزی سیکرٹری جنرل پاکستان پریس کلب برطانیہ ارشد رچیال کے اعزاز میں لیڈز کے ہر دل عزیز کونسلر گوہر الماس خان کی جانب سے مقامی ریستوران میں عشائیہ کا اہتمام کیا گیا۔
عشائیہ میں برطانیہ کی دوسری بڑی کونسل آف لیڈز کے لارڈ مئیر اصغر خان، کونسلر جاوید اختر، کونسلر شہزاد، کونسلر شارن حسین، صدر پاکستان پریس کلب برطانیہ یارکشائر ریجن زاہد نور، سابق صدر شکیل انجم راجپوت، لیڈز کی معروف شخصیت چوہدری ادریس شان معروف وکیل کریم حسین مذہبی شخصیت ذوالفقار دین، لنکا شائر کی سماجی شخصیت زرقاء احمد اور بیورو چیف جے کے نیوز قاسم علی کے علا وہ دیگر کاروباری و سماجی شخصیات نے شرکت کی۔
اس موقع پر تمام شرکاء نے کونسلر گوہر الماس خان کی سال نو کے موقع پر خصوصی دعوت اور سال نو کی مبارکباد پر شکریہ ادا کیا اور نئے سال میں مثبت سرگرمیوں کے فروغ پر بات چیت کے عمل کو جاری رکھنے کا عزم اظہار کیا۔