لندن: برطانوی حکومت نے ملک میں آنے سے پہلے پی سی آر ٹیسٹ کی شرط ختم کرنیکا فیصلہ کیا ہے، کم قیمت لیٹرل فلو ٹیسٹ کروانا ہوگا، رزلٹ آنے تک خود کو قرنطینہ کرنے کی شرط بھی ختم کردی گئی۔
اس بات کا اعلان وزیر اعظم بورس جانسن نے کابینہ اجلاس کے بعد پارلیمنٹ میں سوالوں کے جواب دیتے ہوئے کیا۔ انہوں نے کہا کہ برطانیہ روانگی سے پہلے پی سی آر ٹیسٹ کی شرط ختم کرنے کا فیصلہ کیا گیا ہے۔
برطانیہ پہنچنے کے بعد پی سی آر کی بجائے کم قیمت لیٹرل فلو ٹیسٹ کروانا ہوگا۔انہوں نے کہا کہ ٹیسٹ کا رزلٹ آنے تک خود کو قرنطینہ کرنے کی شرط بھی ہٹا دی گئی ہے، نئے قواعد و ضوابط آج سے لاگو کئے جائیں گے۔