لندن :لندن میں 2021کی صبح کا آغاز یا شاید 2020کے اختتام پر دریائے ٹیمز پر حیرت انگیز روشنی اور آتش بازی کا مظاہرہ کیا گیا، جس میں این ایچ ایس کو زبردست خراج تحسین پیش کیا گیا جبکہ اس میں کوویڈ۔ 19ے حوالے سے سال کی قابل ذکر شخصیات بھی شامل تھیں۔
جب بی بی سی ٹیلیویژن ڈسپلے کا آغاز ہوا تو ایک مردانہ آواز میں ایک نظم سنائی گئی جس کا مرکزی خیال یہ تھا کہ 2020 میں ایک نیا وائرس ہماری راہ میں آیا۔ ہم جانتے تھے کہ ہمیں کیا کرنا ہے۔
آتش بازی کے دوران 300 ڈرون استعمال کرتے ہوئے او 2 ایرینا پر کئی تصاویر آسمان پر نظر آئیں، جن میں سے ایک نے این ایچ ایس لوگو کو پیار بھرے دل میں دکھایا جبکہ ایک بچے کی آواز نے کہا کہ’’ این ایچ ایس ہیروز کا شکریہ‘‘۔ بعد میں بی اے ایم ای پس منظر کے حامل این ایچ ایس کارکنوں کو خراج تحسین پیش کیا گیا۔
