کھوئی رٹہ: آز اد کشمیر تحصیل کھوئی رٹہ کے نواحی گاؤں درگوٹی میں مکان کی چھت پر اچانک پہاڑی تودہ گرنے سے گھر مکمل تباہ ہوگیا، تاہم کوئی جانی نقصان نہیں ہوا، گھر کے مالک محمد طاہر جو عرصہ دراز سے اس گھر میں رہے رہیں تھے ان کا کہنا تھا کہ گزشتہ دنوں گھر کے قریب سے اچانک ایک بڑا پہاڑی تودہ ان کے مکان کی چھت پر گرا جس سے مکان کی چھت اور دیواریں مکمل تباہ ہوگی ہیں۔
ان کا مذید کہنا تھا کہ میں ایک غریب آدمی ہوں اور میرا مکان اچانک سلائیڈنگ کی وجہ سے مکمل تباہ ہوگیا ہے، زندگی کا تمام سرمایہ جو تھا وہ ختم ہوگیا شدید سردی کی وجہ سے اب اپنے بیوی بچوں کے لیے کوئی رہنے کی جگہ نہیں ہے، تاہم میں حکومت وقت ارباب اختیار سے اپیل کرتا ہوں کہ مشکل کی اس گھڑی میں وہ میری مدد کرے تاکہ میرے خاندان کے سر پر چھت مہیا ہو سکے-