لندن: برطانیہ نے آئندہ دس سال کیلئے اپنی خارجہ پالیسی کے خدوخال واضع کر دیئے ہیں جس میں برطانیہ کی 2030تک کی ترجیحات طے کی گئی ہیں۔ برطانوی حکومت نے پاکستان سے تاریخی تعلق کو مزید بہتر بنانے کا عزم بھی ظاہر کیا ہے۔ برطانیہ کی 2030 تک کی خارجہ پالیسی رپورٹ میں بحرِ ہند اور بحر الکاہل کے خطے میں سٹریٹجک اتحاد کو فروغ دینے کا فیصلہ کیا گیا ہے۔
نیٹو کا دفاعی اتحاد اور یورپ میں امن اور سیکورٹی کا قیام بھی برطانیہ کی اہم ترجیحات میں شامل رہے گا۔ جوہری ہتھیاروں کی کم سے کم حد کو180 سے بڑھا کر260 کر دیا گیا ہے۔
برطانوی حکومت نے سیکورٹی، استحکام اور خوشحالی پر فوکس کرتے ہوئے پاکستان سے تاریخی تعلق کو مزید بہتر بنانے کا عزم بھی ظاہر کیا ہے۔ برطانیہ نے اس خطے کو دنیا کے جغرافیائی سیاسی مرکز میں تیزی سے بنتا ہوا مرکزی خطہ قرار دیا ہے۔