لوٹن: شہزادہ فلپ کا گزشتہ ماہ لندن کے ہسپتال میں دل کا آپریشن ہوا تھا جس کے بعد انھیں گھر منتقل کر دیا گیا تھا۔
شہزادہ فلپ اور ملکہ الزبتھ دوم کی شادی 1947ء میں ہوئی تھی ان کے چار بچے ہیں۔۔
آج صبح بیکنگھم پیلس کی جانب سے انتہائی دکھ کیساتھ ملکہ کے شوہر پرنس فلپ”ڈیوک آف ایڈنبرا” کی موت کا اعلان کیا گیا۔
شہزادہ فلپ 10 جون 1921ء کو یونان کے جزیرے کورفو میں پیدا ہوئے۔ ان کے والد پرنس اینڈریو، ڈنمارک اور یونان کا شہزادہ جبکہ والدہ برطانوی شہزادی تھی۔۔۔
دوسری جنگ عظیم کے دوران شہزادہ فلپ بطور ایڈمرل بحیرہ روم میں خدمات سر انجام دیتے رہے۔۔۔
28 فروری 1947ء کو شہزادہ فلپ نے یونان اور ڈنمارک کے شاہی رتبے سے دستبردار ہو کر برطانوی شہریت حاصل کی اور 20 نومبر 1947ء کو اپنی کزن شہزادی الزبتھ سے شادی کر لی۔۔۔
شہزادی الزبتھ کے ملکہ بننے تک شہزادہ فلپ رائل نیوی میں خدمات سرانجام دیتے رہے۔ ملکہ الزبتھ نے 1957ء میں شہزادہ فلپ کو برطانوی شہزادے کا منصب عطا کیا۔ 2011ء میں ملکہ الزبتھ نے انہیں رائل نیوی کے اعزازی سربراہ کا اعزاز بخشا تھا۔
شہزادہ فلپ کی وفات پر برطانوی رہنماؤں کی جانب سے اظہار افسوس کیا گیا اور وزیراعظم بورس جانسن کی جانب سے جاری بیان میں کہا گیا ہے کہ پورا برطانیہ ملکہ الزبتھ اور شاہی خاندان کے غم میں برابر کا شریک ہے ۔۔۔
بورس جانسن نے مزید کہا کہ شہزادہ فلپ ملکہ برطانیہ کے بہترین ساتھی کے طور پر یاد رہیں گے اور ان کی وفات کا سُن کر دلی دکھ اور صدمہ ہوا۔۔